Rakhe lyngkhuh snem ba 50 ka Jingiaseng Samla War Sepngi District
Ka Jingiaseng jingrakhe iaka jingdap Sanphew snem (50) (Golden Jubilee) jong ka Jingiaseng Samla War Sepngi District (War Jaintia Presbytery) kala long haka 10 tarik haduh 12 tarik Nohprah haka Balang Presbyterian Sohkha kaba dei ka headquarter jong jong ka War Sepngi District.
La sdang ia ka jingiaseng naduh ka sngi Thohdieng ha kaba I Rev. E Sanglyne, Ex-Executive Secretary KJP Synod Mihngi Incharge Jingiaseng Samla i la wan ban plie ia u mot tablet ban pynsah jingkynmaw bad kumjuh ruh i la ai ka jingkren plie ia ka theme kaba ong “To nang beh ban ithuh ia U Trai.” (Hosea 6:3). Ha kane ka jingiaseng, ka Jingiaseng Samla Balang Presbyterian Sohkha ka la ai ia ka jingrwai pdiang bad kumjuh ruh ka Standing Choir jong ka Jingiaseng Samla District ka la ai ka ka jingrwai theme song ba kyrteng “To nangbeh ban ithuh ia U Trai”. La ioh ruh ban plie ia u mot tablet bad kumjuh ruh la ioh ban ot ia u cake jubilee ha kane ka sngi.
Ha ka sngi kaba bud kata ha ka ka sngi Saitjain la ioh ban sam ia ki tiar sah kynmaw ia ki nongkitkam jong ka district ( Ki Chairman bad Secretary) bad ia kiba la noh synniang lyngba ka jingtrei jong ki ha ka district ha kine ki snem ba la leit noh shadien.
Haka Sngi U Blei la ioh ban pynlong ia ki lai tylli ki jingiaseng paidbah. Ha ka por 10 baje mynstep la pyniaid ia ka jing iaseng da I Rev. L. Manner bad i nongkren ha kane ka ingiaseng i dei I Rev T.W Wanshong, ha ka por 1:30 nohphai sngi la pyniaid ia ka jingiaseng da I Rev. Dr. S. Hayong bad i nongkren i dei I Rev. H.K Nongbsap bad kumjuh ruh ha ka por 6:30 janmiet la pyniaid ia ka jingiseng da I Rev. H.S Rapthap bad i nongkren i dei I Rev R.M Muktieh.
La ioh ia ka jingkren ai khublei na ka liang jong ka District da I TBn. W.K Lamin ( Secretary Golden Jubilee Celebration Jingiaseng Samla War Sepngi District ) bad na ka liang jong ka Balang da i TBn. V.L Gadew bad kumjuh ruh la ioh ia ka jingrwai ai khublei na ka Jingiaseng Samla Balang Presbyterian Sohkha.
Ki nongiashim bynta ha kane ka jingiaseng lyngba ki jingrwai Singing Inspiration bad Choir ki long Jingiaseng Samla Balang Presbyterian Sohkha, Ka Standing Choir Jingiaseng Samla War Sepngi District, Jingiaseng Samla Balang Presbyterian Kudeng Thymmai, Jingiaseng Samla Balang Presbyterian , Jingiaseng Samla Balang Presbyterian Dawki, Jingiaseng Samla Balang Presbyterian Padu Mawsku, Jingiaseng Samla Balang Presbyterian Darrang, Jingiaseng Samla Balang Presbyterian Khonglah, Jingiaseng Samla Balang Presbyterian Mathmat, Jingiaseng Samla Balang Presbyterian Mawlong, Jingiaseng Samla Balang Presbyterian Shnongpdeng, Jingiaseng Samla Balang Presbyterian Lamin bad Jingiaseng Samla Balang Presbyterian Nongkrem.
Facebook
Instagram
Youtube
Twitter
Leave a Reply