Rakhe National Voter’s Day ha Jowai & Amlarem
JOWAI: Ka tnad Election jong ka Jowai bad ka Amlarem kila rakhe ïaka 10th National Voter’s Day kaba ka phang pdeng jong ka dei ka “Electoral Literacy For Stronger Democracy” ha ka sngi Saitjaiñ.
Ha Jowai la pynlong ha District Library Auditorium, Mynthong Jowai ha kaba ka Additional Deputy Commissioners, West Jaintia Hills Kong RS Manner, MCS bad u PK Boro, MCS, Extra Commissioner Assistant’s, Kong DD Syngai, MCS Kong B Blah, MCS, O Lamin, MDC, JHADC, Philemon Lyngdoh, Ex- MDC, ki nongtrei jong ka Election Branch, u L Pohktai, Waheh Shnong Mynthong, ki khynnah skul bad kiwei kiwei ki ïadonlang.
![](https://www.syllad.com/wp-content/uploads/2024/09/JIT-Vacancy-823x1024.avif)
La rakhe ïaka National Voter’s Day (NVD) ban pynshlur ïa ki samla kiba la dap 18 snem ban pynrung kyrteng ïaka thup jong ka Electoral Roll bad 15 ngut kiba pynrung kyrteng thymmai kila shah pynkupburom kynthup ïaki 12 ngut ki paidbah bad kiba don jingduna haka bor met.
La ïoh jingkren na ka kong DD Syngai bad ïaka NVD Pledge la ïalam da u P K Boro
Ha kane ka sngi la sam ruh ïaki khusnam sha ki nongjop bapher bapher haka jingïakop Drawing, Painting, Essay bad extempore speech halor ka mat pdeng Electoral Literacy for a stronger Democracy’.
Kao phis u Assistant Registrar of Cooperative Societies Jowai, West Jaintia Hills District kala rakhe ïaka NVD hapoh ka jingïalam ARCS Jowai Bah NS Wahlang ha ryngkat ki ophisar bad ki nongtrei ka tnad.
Ha Amlarem pat la rakhe da ïaka NVD ha ophis ka Sub-Divisional Officer (Election).
Ka Kong JU Kharpuri, Sub-Divisional Officer (Election) haka jingkren ka la ong, baroh ki nongthep vote kidei ban long kiba nang ba stad ban pyndonkam ïala ka jong ka hok ban ïoh ïaka synshar paidbah kaba khlain.
Ha kane ka sngi ka Kong JU Kharpuri ka la lamkhmat ruh haka NVD Pledge haka jingiadonlang ki 69 ngut ki Booth Level Officers jong ka Sub-Division, ki Waheh Shnong, ki nongmihkhmat haka seng sain hima sima, ki khynnah skul, ki ophisar na ki tnad sorkar bapher bapher nalor kiwei kiwei.
Ha kane ka sngi u Ma ST. Blah, Master Trainer ELC ula pynsngewthuh halor ka Electoral Literacy Clubs. La sam ruh ki khusnam sha ki nongjop thoh Essay halor ka phang ‘Electoral Literacy for Stronger Democracy’.
Leave a Reply