Rakhe sngi nang thoh nang pule ka Chilliangraij UPS

Syllad | The Rising MeghalayaSeptember 8, 2024

Ka Chilliangraij SSA UPS kum shibynta ka jingleh burom World Literacy Day, haka 6 tarik Nailur kala pynlong da ka jingialang ka ba la shim bynta da ki nonghikai bad khynnah skul.

Ha kane ka jingialang la iathuh iaki khynnah shaphang ka nongrim jong ka World Literacy Day da ka H Iakai, Head Teacher Chilliangraij SSA UPS bad la pule ruh iaki kyntien ne recitation bad ka jingthoh Slogan ba la shim bynta da ki khynnah skul.

Ka H Iakai kaba la batai kyrpang shaphang ka phang jong ka World Literacy Day 2024, kaba ong ‘Promoting Multilingual Education- Literacy for Mutual Understanding and Peace’.

Ban khring iaka pyrkhat pyrdain jong ki khynnah ka H Iakai ka la ong kumba ialam ka juk ka por, ka long ka donkam ban nang thoh ban pule iaki jait ktien, hynrei donkam ruh ban kynmaw ba ymdei ban pynkhraw iaka jong kiwei bad lyndet ruh iaka ktien jong la jong khamtam ka ktien kaba khalang ryngkat bad ka jaitbynriew.