Rakhe sngi nang thoh nang tar ne World Literacy Day ha West Jaintia Hills

Syllad | The Rising MeghalayaSeptember 8, 2021

Ki khynnah skul na ki shnong bapher bapher ha West Jaintia Hills District kila ïasnohktilang bad ka pyrthei shityllup kumjuh bad ka ri ban rakhe iaka World Literacy Day (WLC) lane ka sngi kyrpang jong ka sngi nang thoh nang tar haka sngi Balang.

Ïa ka WLC la rakhe manla u snem haka 8 tarik u bnai Nailur (September) naduh bala pynbna ïa kane ka sngi kum ka sngi kyrpang ka sngi nang thoh nang tar da ka United Nations Educational, Scientific and Cultural Organization (UNESCO) ha u snem 1966.

Ka 8 tarik u bnai Nailur kylleng ki ri ka pyrthei ba ki snohktilang ban iatreilang ha ka ban ialap iaka jingmyntoi ka pule puthi bad ka thoh ka tar haman ki dong ki shnong bad ruh ban pynshlur ia ki khynnah ba kin leit sha skul khnang ba kin ioh ia ka jingnang jingstad bad ruh ban ioh ia ka lawei ba phyrnai.

Mynta la ar snem ka jingrakhe ia kane ka sngi kala long kaba pjah bad kam don than ki prokram baheh namar ki adong adit ka khlam COVID-19 kaba khang iaka jingialum paidbah, hynrei ka jingshimkhia ka tnad SSA, West Jaiñtia Hills District ki khynnah kila ishimbynta hala ki jong ki iing ki sem bad ki skul nalor kiwei kiwei ki jaka.

Ka mat pdeng jong kane ka sngi kalong “Literacy for a human centered recovery. Narrowing the Digital divide”.

La sakhi iaki khynnah skul na la ki ïing ki sem bad ruh na skul kila iashimbynta shongshit ban sei bad pyni ia la ki sap bapher kum ha kaba dro ia ki dur, thoh bad pule ia ki poitri bad kiwei kiwei kiba iahap kat kum ka thong jong kane ka sngi.