Rakhe WED ka Tep Kyndait Govt. UP School Tuberkmaishnong

Syllad | The Rising MeghalayaJune 7, 2019

JOWAI: Ka Tep Kyndait Government U.P School, Tuber Kmaichnong ryngkat ka Dorbar Shnong Tuber Kmaichnong, ka District Soil & Water Conservation, East Jaintia Hills & Bharati Foundation East Jaintia Hills District ki la World Environment Day (WED) haka sngi Palei.

Naduh u Headmaster ka skul u ma Riquoma Rq. Laloo, Albert Dkhar, Demonstrator, District Soil & Water Conservation, East Jaintia Hills, u Ribait O Pde bad ka Kong Memory Lyngdoh kila ai jingkren halor ka jingmyntoi ki khlaw ki btap kaba ai ïa ngi ka lyer kaba khuid bad ban jur ïa iwei pa iwei ban pynneh pynsah ïaki khlaw ki btap bad jingthaw ba im haka sla khyndew.

La ioh ruh ka jingkren Academic Mentor Bharati Foundation ka Kong Dayoophika Khyriem, ka la batai bniah bad ai nuksa iaka jingjakhlia ka lyer ha ki sor bah namar ka jingsyllen ki khlaw bad ka jingbun ki kharkhana bad ki kali motor.

Ha kane ka prokram la ïadonlang u ma Jied Sana Waheh Shnong Tuberkmaichnong uba la kular ban synniang da ki jaka bret ñiut iaka skul.