Rakhe Wildlife Week ha East bad West Jaiñtia

Syllad | The Rising MeghalayaOctober 6, 2019

JOWAI: Ka ophis jong ka Divisional Forest Officer Wildlife Division, Jaiñtia Hills Division kala rakhe ïaka Wildlife Week ha East bad West Jaiñtia Hills District.

Ïa kane ka Wildlife Week la sdang naduh 2 tarik bad yn pynkut haka 8 tarik Risaw bad la pynlong da ki jingïakop dor, thoh essay, quiz, extempore speech bad kiwei kiwei.

Ha West Jaiñtia Hills la pynlong ha Dulong, Jowai bad la wan ban ïashimbynta da ki 42 tylli ki skul bad ha East Jaiñtia Hills District la pynlong ha ka shnong Sutnga, Chiehruphi, Shnongrim.

Ha Jowai la pynlong ïa ka ïakop thoh Essay, Dro, Painting, Quiz, Extempore Speech halor ka phang halor ka jingkhaii ïaki mrad ki mreng kaba pynduh jait ïa ki mrad.

Ha Sutnga la pynlong ha ka skul Sutnga Presbyterian Higher Secondary School bad la wan ïashim bynta da ki 24 tylli ki skul. Ha Chiehruphi la pynlong ha ka skul Chiehruphi Secondary School bad la ïashim bynta da ki 7 tylli ki skul bad ha Shnongrim la pynlong hapoh ka ïingdorbar jong ka shnong bad la ïa shim bynta da ki 11 tylli ki skul halor ki ki mrad kiba mreng bala jan duh jait ban pynneh pynsah ïaka sawdong sawklun ka mariang.

Ka jingthmu jong ka tnad kam khlaw (Wildlife Division) ban pynlong ïa kane ka program ka long ban pynsngewthuh ïa ki khynnah skul ba kin ai ka jingïada ïaki mrad mreng bad baroh ki jingthaw ba im haka sla khyndew.