Rakhe World Health Day ka Chutwakhu Urban PHC

Syllad | The Rising MeghalayaApril 27, 2019

JOWAI: Ka Chutwakhu Urban Primary Health Centre, West Jaiñtia Hills kala rakhe ïaka World Health Day ha Loompyrdi Iongpiah Jowai kaba ka phang pdeng ka long ka “Universal Health Coverage, Everyone Everywhere” haka sngi Thohdieng.

Ka jingrakhe ïaka World Health Day ka long na ka bynta ban pynsaphriang ïaka khubor bad ban ai jinghikai ïaka jingkongsan ka koit ka khiah.

Ha kane ka prokram la ïakren kyrpang halor ki jingpang bym iabit  (Non Communicable Disease) ka jingpang klongsnam, bampong, shini bad kiwei kiwei kiba kynrei bha mynta.

La ïadonlang ha kane ka prokram naduh ka Dr. H. Uriah, Public Health Specialist, R.Ryngkhlem, Statistical Assistant, Dr. (Mrs) E. Challam Additional District Medical & Health Officer, Jowai, ki nongtrei ka Chutwakhu Urban Primary Health Centre, ASHAs haka jingialang kaba pyniaid da u ma A Niangti, Waheh Shnong Loompyrdi Iongpiah.

U Philemon Bamon, District Programme Manager MHIS ula batai bniah halor ka ka Megha Health Insurance Scheme (MHIS-IV) kaba iatreilang bad ka Ayushman Bharat- Pradhan Mantri Jan Arogya Yojana kaba la kot T.5 lak  kawei ka longïing. Kino kiba donkam ban tip khambniah ki lah ban phone ha kine ki number 0364-2507477 lane 1800104762.