Rejistar case ki pulit halor ka kam pynshit ha ka public hearing ha Thangskai EJH

Syllad | The Rising MeghalayaAugust 25, 2023

U Superintendent of Police, East Jaiñtia Hills District, Khliehriat mynta ka sngi Thohdieng u la pyntip ba ki la register case pyrshah ia ki briew kiba donkti ha kaba pynshit ia ki bor pulit ha ka por ba thmu ban pynlong ia ka jingpynsngew paidbah ne public hearing hynnin ka sngi 24 tarik  Nailar 2023.

Na ka liang une u heh pulit ula ong ba ha katei ka sngi 24 tarik ha ka por ba pynlong ïa ka jingpynsngew paidbah ne public hearing hapoh ka jaka jong ka Meghalaya Cement Limited, Thangskai ha kaba ka la mih ruh ka jingïakynad hapdeng ki pulit bad ki paidbah kiba pynlong ka jingïakhih, hynrei ka video kaba pyni halor kane ka jingjia ka la mih paw lyngba ka Youtube, jong ka Batesi Tv, ha kaba la ïohi ïa ki katto katne ngut ki briew kiba pyrta da ki kyntien pynshit.

Halor kane na ka liang ki pulit ki rejistar case hapoh ki kyndon No. 46(08)2023 U/s 153B/503/504/506 IPC hapoh Lumshnong Police Station bad ka jingtohkit halor kane ka la ïaid shakhmat.

Shuh shuh na ka liang utei u heh pulit u la ong ruh ba ka tnat pulit ka jylla ka khmih na ka bynta ban pynneh pynsah ia ka jingsuk hapdeng ki jaitbynriew bad kano kano ka jingpyrshang ban leh ia ki kam kynshoit bad pynshit kin ngat ha ki kyndon jong ka ain.

Dawa ka Seng ki nongtrei trai jylla bad KSU Narpuh ban weng mardor ia ki bar jylla ba kynshoit ia ki pulit