Rong tuh ia ki tyre, iehnoh iaka kali khlem tyre ha Mihmyntdu

Syllad | The Rising MeghalayaMarch 30, 2025

Kam tuh kam thiem kala nang jyllei bad khlieh la ka sngi ki pulit kila ioh iaki jingujor ha kaba iadei bad ka jingtuh ia ki kali ar shaka ne scooty, bike, tyndong shet jingshet bad kiwei kiwei ki mar ha iing briew.

Kaba thamula ka long ba ha kane ka sien ki nongtuh kila rong tuh tang iaki tyre ka kali bad iehnoh iaka kali khlem tyre kaba la pynieng harud surok ha Mihmyntdu, West Jaintia Hills District.

Kane ka jingjia kala jia haka step 30 tarik Lber, ha kaba u trai ka kali kamai Maruti Celerio Registration No ML 04 D 5287, ula pynieng iaka kali harud surok, hynrei ki runar kila law bad rong tuh tang iaki tyre baroh saw tylli kba dei ki alloywheel bad iehnoh iaka kali khlem shaka.

Nakaliang ki nongialam Shillong Guwahati Tourist Cab Association (SGTCA), West Jaintia Hills District kila kyrpad iaki paidbah ba lada lap ia kino kino kiba tyrwa die tyre ne alloy, la kyntu ban pyntip mar mar sha ka seng lane sha ki bor pulit.