Rukom ïaid kali haka sngi thep vote ha Jowai

Syllad | The Rising MeghalayaFebruary 26, 2019

JOWAI: U Superintendent of Police West Jaiñtia Hills District u Bah Lakador Syiem ula pynbna paidbah bala pynkylla ïaka rukom ïaid kali ha sngi thep vote naka bynta ban jied ïaki MDC sha ka Jaiَñtia Hills Autonomous District Council (JHADC).

Lashai ka sngi ka surok Wah Nangbah la khang ban ïaid kali (No Entry) hadien ka por 3 PM. Ki kali kiba wan na Newhill bad Wah Nangbah la khang ban rung lyngba ka surok ban leit sha DC ophis bad yn pyllait tang ïaki kali kiba kit kor EVM bad ki briew ka elekshon kiba wan na ki jaka Pollling Station bapher ban rung sha jaka pynieng kali ka Nongbah.

Na H.K.Singh ruh la buh No Entry hadien ka 3PM ha kaba ki kali ba wan na Chutwakhu bad Mission Compound kim lah ban rung sha DC bad ki lah ban ïaid na  Jrisalein sha District Library, Jowai haduh jaka ieng kali War Jaintia bad tang ki kali kit kor bad briew elekshon kiba lah ban iaid.

Na DC office Bypass baroh ki kali kiba wan na War kin iaid lyngba ka surok nadien ka DC ophis ban mih sha Wah Nangbah. Na Sein Raij Parking Lot la buh No Entry bad la shah tang ki kali ba kit briew elekshon.

Na Thomas Jones la shah ban iaid kali bad ba kin mih sha Dulong College Road.

Baroh ki  kali kit briew elekshon naduh Zonal bad Sector Officers kiba wan na Newhill kin ieng ha jaka ieng kali ka Nongbah bad hadien bala pynhiar ïaki kor EVM ki hap ban mih ban ieng ha Ummulong Stand/ War Stand/ Jrisalein.

Kiba wan na War Jaintia ki lah ban sangeh shajan JHADC bad hadien bala dep pynhir kor EVM ki kali ki dei ban leit sha Jrisalein Stand War lyngba ka suro Mynthong.

Ki kali jong ki Zonal and Sector Officers (Civil and Policela shah ban iaid lyngba ka Wah Nangbah haduh DC bad ïaki kali yn pynieng ha Nongbah Stand.

Kiwei kiwei ki kali la shah ban pynieng ha Stand War, Ummulong bad madan Jrisalein.