Rung final ka Amlarem SC hadien ba jop da 2-1 iaka Seinbhalang Shkentalang haka Super Division ka ASSA

Syllad | The Rising MeghalayaJanuary 21, 2025

Ka Amlarem SC kala lah ha kaban buh jaka ialade haka kyrdan jong ka final hadien ba kala lah ban pynliem da 2-1 iaka Seinbhalang Shkentalang haka semifinal ba nyngkong haka Super Division Football jong ka Amlarem Sub-Divisional Sports Association (ASSA) kaba long ha madan Ladjaplem, Amlarem haka 21 tarik Kyllalyngkot.

Haba phai sha ka jingialehkai baroh kine ki lai kol kila mih paw haka kylla miet. Ka Amlarem kala ioh shuwa ban pynkhih iaka jar ban tam shakhmat da 2 kol lyngba u Tiplang Rasmut (69) bad u Wanki Pohthmi (75). Shikol ka Seinbhalang Shkentalang la thep Damehi Surong (80).

Watla ka Seinbhalang kala ioh ban thep ia kane ka shikol hynrei kala long kum ka thong bah iaki player jong ka, namar ba k Amlarem kala kyntiew iaka sur ialehkai ka jong ka ban khanglad iaka Seinbhalang ban ioh thep kol haduh ba kut ka por iakhun.

Da kane ka namjop ka Amlarem kala buh jaka haka final bad kaba sah ka long ba ka Seinbhalang Shkentalang kan mih madan biang haka semifinal kaba ar ban aireng pyrshah iaka YC Pdengkarong haka 23 tarik Kyllalyngkot ban iaknieh ruh sha ka final.

Haba phai sha ka Upper Division, ka Sohlawiat kala jop da 5-1 iaka Amkoi SC haka jingiakhun semifinal bad buh jaka ialade haka kyrdan jong ka final.

Ha lyndet kane ka namjop ba bun kol ka Sohlawiat kala wan lyngba ka hattrick u Fullme Khongjong uba la thep lai kol (8, 11, bad 31) uba la kylla long u namtam ha kane ka jingiakhun bad mar shikol na u Meker O Buam (38) bad u Kynmo Surong (41). Shikol ka Amkoi la thep da u Niltam Pohktai (64).