Rung final ka Chiehruphi haka First Div ka EJHDFA

Syllad | The Rising MeghalayaOctober 23, 2023

Ka Chiehruphi SYWSC kala jop da 3-2 iaka Khliehriat West FC kala lah syndon ban buh jaka ialade haka kyrdan jong ka final haka First Division Football Tournament kaba pyniaid da ka East Jaintia Hills District Football Association (EJHDFA) kaba long ha madan Diengshynrum haka sngi Nyngkong.

Kane ka namjop ka Chiehruphi la wan haka extra time hadien baka jingiakhun kine ki arliang mamla kala kut da kaba iakhaid 2-2 haka por kaba la buh.

Ha kane ka jingialehkai ka Chiehruphi kala tam shakhmat ar kol lyngba ka kol u Sakhiat Sympli 8’ bad Bretly Nongtdu 27’. Ka Khliehriat West kala wan nadien ban tan kylla iaka jingialehkai sha kaba iakhaid lyngba u Shanbor Malang 41’ bad u Dawyoo Bhoi 42’.

Haka kylla miet kala kut khlem don mano mano ba ioh pynkhih jar bad la rah iaka jingiakhun sha ka extra time ha kaba ka Chiehruphi kala thep lyngba u Suting Syrti 99’ kaba la biang pura ban khur iaka jingjop ba buh jaka haka kyrdan jong ka final.