Rung final ka Chutwakhu haka Second Div ka WJDSA

Syllad | The Rising MeghalayaSeptember 27, 2023

Ka Chutwakhu kala lah ha kaban buh jaka ialade haka kyrdan jong final hadien ba kala jop da 1-0 iaka Lion haka semifinal jong ka Second Division Football Tournament- 6th Debo Shullai Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium.

Ia kane ka shikol ka Chutwakhu kala thep haka minit 32 lyngba u Luckyness Khyriem. Ka Lion hadien ba kala shah tam kala pyrshang lem ban iakhun tyngeh ban ioh thep kol; hynrei kala hap ban pdiang iaka namrem namar haduh bala wai ka por ialehkai kam shym la ioh lad ban thep.

Kumta kane ka shikol ka Chutwakhu kala biang pura iaka ban ioh rung shaka final.

Ka semifinal kaba ar kan long hapdeng ka Shangpung Khliehmuchut vrs Mooknor Thadmuthlong haka sngi Palei haka por 1:30 PM.