Rung final ka Mukhla, yn iakhun ka Rymbai bad ka Salaroh haka semifinal ba ar mynta ka sngi

Syllad | The Rising MeghalayaSeptember 30, 2023

Ka Mukhla FC ka la rung shaka kyrdna jong ka final hadien ba kala jop da 2-0 iaka CSA United haka (L) Kesilroy Pala Invitation Football Tournament 2023 ba la pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Thohdieng

Kine ki ar ka Mukhla kila mih paw haka kylla miet kaba la biang pura iaka Mukhla ban buh jaka haka final jong kane ka tournament. Ia kine ki kol la thep da u Teddy Bang 64’ bad u Wadajied Ryngkhlem 90’+1.

Ka Semifinal kaba ar kan long mynta ka sngi Saitjain hapdeng ka Rymbai Shken Shynriah pyrshah iaka Salaroh FC haka por 2.00 baje nohphai sngi.