Rung final ka Mulait United haka Super Div ka SBSA

Syllad | The Rising MeghalayaDecember 3, 2023

Ka Mulait United FC ka la rung sha ka final hadien ba kala lah ban pynliem iaka Lamyrssang da 1-0 haka semifinal kaba nyngkong- ka qualifier haka lympung ialehkai Super Division Football League ba la pyniaid da ka Saipung Block Sports Association (SBSA) kaba long ha Lamayrsiang ka sngi Saitjain.

Ka jingiakhun haka por kaba la buh kala iakhiad khlem don mano mano ba ioh pynkhih iaka jar. Dei hadien bala bteng biang iaka jingialehkai haka Extra Time, ka Mulait United kala ioh iaka kabu ksiar kaba paka ban pynkhih iaka jar lyngba u Jeffree Surong haka minit kaba 115 kaba la biang pura iaka Mulait United ban khur iaka nam jop.

Haka ka semifinal kaba ar- ka Eliminator, ka Jalaphet Bri Sumer SC ka la pynliem iaka Narwan da 1-0. Ia kane ka kol la thep da u Plider Dkhar haka minit kaba 50.

Kumta da kane ka namjop ka Jalaphet Bri Sumer kan ai reng pyrshah iaka Lamyrsiang haka semifinal kaba lai-ka Eliminator haka 5 tarik Nohphrah haka por 12:30 Pm.