Rung final ka Pdengkarong haka lympung ialehkai football ka ASSA

Syllad | The Rising MeghalayaApril 9, 2021

Ka YC Pdengkarong ka la buh jaka ïalade haka kyrdan jong ka final haka lympung ïalehkai kaba tip kum ka “Pre-League Invitation Football Tournament 2021” bala pynïaid da ka Amlarem Sub Divisional Sports Association (ASSA).

Ka YC Pdengkarong ka la pynliem ïaka Shkenpyrsit Sports Club (SC) da 1-0 haka jingïakhun semifinal ba nyngkong haka jingiakhun kaba long ha madan mini stadium Ladpajlem haka sngi Thohdieng.

Ia kane ka shikol ka Pdengkarong la thep da u Pynshai-i Lynthong haka minit kaba 73 bad kane ka shikol ka neh haduh ba kut ka kynta ïakhun.

Lashai ka sngi ka jingïakhun semifinal ba ar kan long hapdeng ka Bakur SWSC pyrshah ïaka Shkentalang SC haka por 2:00 baje nohphai sngi.