Rung final Ladthadlaboh haka Super Division ka WJDSA

Syllad | The Rising MeghalayaSeptember 23, 2022

Ka Ladthadlaboh kala jop da 1-0 iaka 7 Wasa Utd haka semifinal kaba nyngkong (qualifier -1) haka Super Division Football Tournament kaba pyniaid ka West Jaintia District Sports Association (WJDSA) kaba long ha Kiang Nangbah haka sngi Thohdieng.

Kane ka shi kol ka Ladthadlaboh kala mih paw haka extra time haka minit 92′ kaba la thep da u Edious Laloo.

Kane ka kol kala pyniakhlad ia kine ki ar liang mamla hadien ka jingiakhun kaba iathain bha bad da kane ka namjop ka Ladthadlaboh kala biang pura iaka ban rung sha ka final jong ka super division mynta ka aiom.

Ka semifinal kaba ar ne ka Eliminator kanlong lashai ka sngi Saitjain hapdeng ka lahduh u snem 2019 ka Mynthong pyrshah iaka Nangbah Mulang. haka por 2:30 Pm.

Ka 7 Wasa kan mih madan ban iakhun biang haka semifinal kaba lai ne ka qualifier 2 pyrshah iaki jop hapdeng ka Myntong bad ka Nangbah Mulong.