Rung ka JN Stadium, Polo ha ka skhim ba kyrpang ‘Khelo India Centre of Excellence’

Syllad | The Rising MeghalayaSeptember 23, 2020

Ka long ka jingsngew sarong ia ka jylla ba ka stadium ialehkai bna nam jong ka jylla, kata ka  ka la jied kyrpang ia ka Jawaharlal Nehru Sports Complex, Polo, Shillong ba kan dei kawei napdeng ki hynriew tylli ki madan ialehkai ha ka ri ba kan long kum ka shlem ai jinghikai ba kyrpang ba la tip ia ka kum ka ‘Khelo India Centre of Excellence’.

 Ia kane la pynpaw da u Myntri ba dei khmih ia ka tnat Sports ka ri u Kiren Rijiju.

Ki san tylli kiwei pat ki jaka ialehkai kiban rung ha ka thup jong ki shlem ai jinghikai ba kyrpang ka Khelo India ki long Dadra & Nagar Haveli bad Daman & Diu, Maharashtra, Madhya Pradesh, Assam, katba ka jylla Sikkim kan sa khreh ba kan rung ha ka khep kaba ar jong kane ka skhim.

Shwa ia kane ka tnat ka la dep ba kan pynrung shwa ia ki phra tylli ki jaka ialehkai jong ki jylla ka ri ha kane ka skhim bad kine ki kynthup ia ka  Karnataka, Odisha, Kerala, Telangana, Arunachal Pradesh, Manipur, Mizoram bad ka  Nagaland