Rung NPP ki ar ngut ki MDC Congress ha JHADC
JOWAI: Arngut ki MDC Congress kila phet seng bad ïasoh noh sha ka National People’s Party (NPP) ha Jaiñtia Hills Autonomous District Council (JHADC) haka sngi Nyngkong.
Kine ki ar ngut ki MDC Congress ki dei u Aiborlang Shadap, MDC ka Barato Mukroh bad u Arbor Hima Darnei, MDC ka Saipung.
La pdiang burom ïa kine ki ar ngut ki MDC da u District President jong ka NPP West Jaintia Hills District u Ma Octomewot Lamin haka jingiadonlang u Myntri jong ka tnad Fisheries u Ma Comingone Ymbon, u State President ka NPP u Dr. WR Kharlukhi, u Chief Executive Member jong ka JHADC u ma Thombor Shiwat bad ki MDC jong ka konsil nalor ki nongkyrshan jong ka NPP na East bad West Jaiñtia Hills District.
Ka party NPP ka la rai ruh ban kan leit pdiang burom ruh iaki nong kyrshan jong kine ki MDC hala ki shnong ki shnong jong ki ha sngi kiban sa wan.
Da ka jingrung kine ki ar ngut ki MDC Congress sha ka NPP, kaba don haka liang synshar ha JHADC kala nang nangbun paidbah haduh 17 ngut ki MDC kynthup ïa u Nominated MDC.
Ka Congress na ki saw ngut ki MDC ba la jop MDC kala sah sa ar bad ka BJP 4 ngut.
Ka UDP kaba iatreilang bad ka NPP kala neh sa 7 ngut.
Facebook
Instagram
Youtube
Twitter
Kito ki ba out Seng ki hap ban ialeh election shiteng samoi