Rung quarter final ka Newhill, Madan Thadmuthlong, Mookyrdup bad ka Mukhla Umlangshor haka Third Div ka WJDSA

Syllad | The Rising MeghalayaAugust 14, 2023

Ka Mukhla Umlangchor, ka Newhill, Madan Thadmuthlong bad ka Mookyrdup kila lah ban buh jaka ialade haka haka Quarter Final jong ka lympung ïalehkai Third Division Football Tournament-3rd Adelbert Memorial Trophy kaba pynïaid da ka West Jaintia District Sports Association (WJDSA).

Kane ka la wan hadien ba ki la khur jingjop haka jingiakhun Pre Quarter final kaba la long ha madan Kiang Nangbah Stadium Ladthadlaboh, Jowai haka lah sngi U Blei.

Haba phai sha ka jingialehkai, ka Mukhla Umlangchor ka la pynliem da 2-1 iaka Rising sun Mukhla. Iaki kol jong ka Mukhla Umlangchor la thep da u Niawkor Sari 49’ & 51’. Katba ka shikol jong ka Rising sun Mukhla la thep da u D Nongrum 65’.

Haka jingiakhun kaba bud, ka Newhill ka la pynliem iaka Mookaswan Dongwah da 2-1. Iaki kol jong ka Newhill la thep da u Thaura Nampui 40’+1 bad u Dawanlang Laloo 41’ katba la iaka kol jong ka Mookaswan Dongwah la thep da u Slim Marboh 69 minit.

Ha kawei pat ka jingiakhun ka Madan Thadmuthlong ka la pynliem iaka Lumbhahdakha da 4-2 lyngba ka iaka iashut tie breaker.

Ka Mookyrdup ka la pynliem 5-2 iaka Lutituber Ialong. UNicky Boy Swer ula the par kol 9’ & 28’, u Famous Plain 20’, u Dennis Passah 45’ bad u Nidaiar Kamar 64’.  Ar kol ka Lutituber la thep da Leader Mulieh 38’ bad u Francis Pale 78’.

Haka 16 tarik Nailar, ka Lumkhangdong kan iakhun pyrshah iaka Pateinki Sabah, Mulang Ialong pyrshah iaka Moodop Royal, Madankynsaw pyrshah iaka Myrjai bad ka Da i Hi Mynsngat pyrshah iaka Iooksi Youth Welfare.