Rung quarter final ka North Liberty Govt Boys’ Marianhill Amwi Jarain bad ka Ummulong Pres haka U-17 Subroto Cup ha Jowai

Syllad | The Rising MeghalayaJune 14, 2022

Ka North Liberty Higher Secondary School, Government Boys Higher Secondary School, Amwi Jarain Secondary School, Marianhill Higher Secondary School bad ka Ummulong Presbyterin Higher Secondary School kila buh jaka ialade sha ka kyrdan jong ka quarter final haka Under-17 Boys jong ka Inter School Football Tournament- Ka Subroto Cup kaba pyniaid da u District Sports Officer, West Jaintia Hills District.

Kane kala wan hadien ba kine ki skul kila khur iaka jingjop haka jingiakhun pre quarter final kaba long ha Kiang Nangbah Stadium haka sngi ba ar.

Haba phai sha ka jingiakhun ka Government Boys’ HSS ka la pynliem 4-0 kol ïaka Adventist HSS,

Haka jingiakhun kaba ar ka North Liberty HS School kala jop 5-0 kol ïaka Sawlyngdoh HSS. Katba ka Amwi Jaraiñ SS kala pynliem da 3-1 kol ïaka St Claret SS.

Ka Marianhill HSS ka la jop 3-0 kol ïaka Lumpyrtuh SS bad ka jingiakhun kaba khatduh ka Ummulong Presbyterian HSS ka la pynliem 2-0 kol ïaka Ïalong SS.

Lashai ka sngi ka jingiakhun pre quarter haka Under-17 Boys’:

Ka Amlarem SS kan iakhun pyrshah iaka Kiang Nangbah HSS
Ka Jowai Presbyterian HSS pyrshah iaka Little Flower Ummulong HSS
Ka HK Singh Memorial SS pyrshah iaka Amwi Thanbuli HSS.