Rung quarter final sa ka Bataw bad ka Rymbai Wahshnong haka 1 Division ka EJHDFA

Syllad | The Rising MeghalayaNovember 8, 2024

Ka Bataw YWSC bad Rymbai Wahshnong ki long sa ar tylli ki kynhun kiba la ioh rung sha ka quarterfinal haka kyrdan 1st Division Football Tournament kaba pyniaid da ka East Jaintia Hills District Football Association (EJHDFA).

Kane kala wan hadien ba ka Bataw kal pynliem iaka Pamrakmai SCSC da 1-0. Ia kane ka kol la thep da u Jespar Lamare (36).

Katba ka Rymbai Wahshnong kala jop da 1-0 iaka Mukhaialong SCSC. Ia kane ka kol la thep da Panegyric Rymbai (23).

Baroh ar tylli kine ki jingialehkai kila long haka 7 tarik ha madan artificial turf ha Diengshynrum.

Nalor ka Bataw YWSC bad Rymbai Wahshnong, kiwei de ki kynhun kiba la rung shaka Quarter Final ki long ka Wahiajer Narpuh YSSC, Rymbai Synrang Shahkhain, Jalyiah UTD SC, Shilliang Umshong, Iatyllilang SC Hingaria bad Diengshynrum SC.