Rung quarterfinal ka HK Singh Govt Boys’ Sabahmuswang haka Subroto Cup ha Jowai

Syllad | The Rising MeghalayaJune 16, 2024

Ka HK Singh Memorial Secondary School kala khur jingjop ha baroh ar ki kyrdan ialehkai haka Under-17 bad Under-15 Boys’ bad kala jam syndon sha ka quarterfinal jong ka Subroto Cup ha Jowai haka jingiakhun kaba long haka 15 tarik Jylliew.

Ia kane ka lympung ialehkai football ki khynnah skul la pyniaid da ka ophis u District Sports Officer, West Jaintia Hills ha Kiang Nangbah Stadium.

Kane ka namjop ka HK Singh Memorial kala wan pyrshah iaka St. Claret Secondary School haka kyrdan U-17 Boys’. Ka HK Singh kala jop da 3-1 lyngba ka tie-breaker. Ka namjop ka HK Singh haka Under-15 kala wan pyrshah iaka Jaintia HSS da ka tie breaker da 5-3.

Ka Lumpyrtuh Secondary School kala pynliem iaka Kymprup Secondary School, Sahsniang da 2-1. Ka Govt. Boys HS School kala pynliem iaka Nongbareh HS School da 2-1 haka kyrdan U-17 Boys’.

Haka kyrdan Under-15 Boys ka Sabahmuswang UP School kala pynliem iaka Jowai Presbyterian UP School da 3-2 lyngba ka tie-breaker.