Rung quarterfinal ka Jalapang haka football ha Wahiajer

Syllad | The Rising MeghalayaOctober 17, 2024

Ka Jalapang kala rung sha ka jingiakhun quarterfinal jong ka lympung ialehkai 8th Invitation Knock Out Football Tournament ba la pyniaid da ka Wahiajer Sports Club ha madan Wahiajer Sports Complex.

Kane ka la wan hadien ba ka Jalapang kala pynliem iaka Evergreen SC da 3-0 haka jingialehkai kaba la long haka 17 tarik Risaw.

Ia kine ki kol jong ka Jalapang la thep da u Pynkhreh Talang (4), Gideon Mukhim (68) bad Marlangki Suting (78).

U Sanjini Gokhar u rang ialehkai jong ka Jalapang SC ula ioh khur iaka nam ‘Man of the Match’.

Ka jingiakhun Pre-quater final kaba ar kan long ha ka 19/10/24 hapdeng ka Nangbah Mulang pyrshah ia ka Mawryngkneng Mission SC ha ka por 2.00 baje nohphai sngi.