Rung quarterfinal ka Myrjai bad Pasyih haka 3rd Div ka WJDSA

Syllad | The Rising MeghalayaAugust 26, 2024

Ka Myrjai bad ka Pasyih Cultural kila rung shaka jingiakhun quarterfinal haka lympung ialehkai 3rd Division Football Tournament-4th Adelbert Laloo Memorial Trophy kaba pyniaid da ka West Jaintia District Sports Association (WJDSA).

Kane ka la wan hadien ba ka Myrjai bad ka Pasyih Cultural kila khur jingjop haka jingialehkai pre-quarter final kaba la long ha madan Kiang Nangbah Stadium, Jowai haka 26 tarik Nailar.

Ka Myrjai kala jop pyrshah iaka Mookynphad Mihmyntdu da 4-0. Ia kine ki kol jong ka Myrjai la thep da u Sperbha Syntem (28, 62), u Elad Dhar (63) bad u Bison Kyndait (73).

Haka jingialehkai kaba bud ka Pasyih Cultural kala pynliem iaka Madan Thadmuthlong da 3-2.

Na kaliang ka Pasyih Cultural la thep da u Deibha Dkhar marwei ar kol (52, 80), u Seiborlang Dkhar (80+2). Katba na kaliang ka Madan Thadmuthlong la thep da u Precious Tang (14, 32).

Ka jingiakhun prequarter final kaba khatduh haka 27 tarik Nailar kan long hapdeng ka Mookaswan Dongwah pyrshah iaka Mookyrdup haka por 12.30 baje mynsngi. Ka Mulang Ialong pyrshah iaka Da I hi Mynsngat haka por 2.00 baje nohphai sngi.