Rung quarterfinal sa ka Friend Utd haka football ha Wahiajer

Syllad | The Rising MeghalayaOctober 24, 2024

Ka Friend United kala lah ha kaban bun jaka ialade haka kyrdan quarterfinal jong ka lympung ialehkai 8th Invitation Knock Out Football Tournament kaba pyniaid da ka Wahiajer Sports Club kaba long ha madan Wahiajer Sports Complex.

Kane kala wan hadien ba ka Friend United kala pynliem iaka Galaxy FC 2-1 haka jingialehkai pre-quarterfinal kaba la long haka 24 tarik Risaw.

Iaki ar kol ka Friend United la thep da u Pynhun Suting (41) bad u Pormi Ksoo (51). Shikol ka Galaxy FC la thep da u Wanmi War (70).

Iaka nam Man of the Match la ioh da u Pynhun Suting.

Ka Wahiajer Sports Club ka pyntip ba iaki tarik kiba bud jong ka jingiakhun pre-quarter final yn pyntip hadien ka Meghalaya State League (MSL).