Rung quarterfinal sa ka Nangbah Mulang haka invitation football ha Wahiajer

Syllad | The Rising MeghalayaOctober 19, 2024

ka Nangbah Mulang kala long sa kawei pat ka kynhun kaba la buh jaka ialade haka kyrdan quarterfinal haka 8th Invitation Knock Out Football Tournament kaba pyniaid da ka Wahiajer Sports Club ha madan Wahiajer Sports Complex.

Kane ka la wan hadien ba ka Nangbah Mulang kala pynliem iaka Mawryngkneng Sission da 6-0 haka jingialehkai pre-quarterfinal kaba long haka 19 tarik u Risaw.

Ia kine ki 6 kol ka Nangbah Mulang la thep da u Niponghi Sumer (24, 54), Banshan Pale (60, 75) kiba la thep mar ar kol bad mar shikol lyngba u Civil Khongmalai (22), bad u Suting Syrti (77).

Iaka nam Man of the match la ioh rah da u Niponghi Sumer.

Ka jingiakhun pre-quarter kaba bud kan long haka 22 tarik Risaw hapdeng ka YBSC Shella pyrshah iaka Red Mark FC haka por 2.00 baje nohphai sngi.