Rung Red Cross ki khynnah skul ka Modern SS Ialong
20 ngut ki khynnah skul jong ka Modern Secondary School, Ialong kila rung shaka Indian Red Cross Society (IRCS) haka sngi Palei.
Ia kine ki khynnah kiban ithuh noh iaki kum ki Junior Red Cross hapoh ka seng Indian Red Cross Society la pdiang burom haka jingialang kaba lyngkot kaba long ha phyllaw ka skul. Ia jingialang pynïaid da ka Kong B. Pale, Counsellor Junior Red Cross Society, Modern Secondary School Ïalong.
La iadonlang u Ohiwot Laloo, Secretary IRCS, West Jaintia Hills Unit kum u kongsan, u Hanpaya Nongpluh, Life Member kum u symbud kongsan, u Hopeful Khongstia, Assistant Secretary IRCS West Jaintia Hills Unit, ka W. Phawa Headmistress Modern Secondary School Ialong bad ki nonghikai.
U Ohiwot Laloo kum u kongsan haka jingkren ula ïaroh ïaki bor pynïaid jong ka skul ba kadei kawei na ki skul hapoh ka District kaba la sei ïaki Junior Red Cross naduh ki por ki snem kiba la leit noh bad kadei ruh kawei na ki Unit jong ki Junior Red Cross ba paw hapoh ka Jylla.
La pynphuh shuh shuh ïa kane ka sngi da ki jingrwai bad ki jingpyni sap na ki Junior Red Cross Modern Secondary School Ïalong ha kaba iadei kumno ban ai jingiada ne First Aid iaki ïarap ïaki para briew haba don ki jingjia kiba khlem poi pyrkhat ne ki jingjia mynsaw mynsnam ïaki para briew.
Facebook
Instagram
Youtube
Twitter
Leave a Reply