Rung semifinal ka Mukhla Raij haka 18 Above Football ka WJDSA

Syllad | The Rising MeghalayaNovember 27, 2021

Ka Mukhla Raij SC ka dei ka kynhun kaba khatduh ban buh jaka ialade haka kyrdan semifinal ka lympung ialehkai 18 Above Football League Knockout Tournament kaba pyniaid da ka West Jaintia District Sports Association (WJDSA).

Kane kala wan hadien ba ka Mukhla Raij SC kala khur namjop da 2-0 kol pyrshah iaka Newhill haka jingiakhun quarter final kaba long haka sngi Saitjain ha madan Kiang Nangbah Stadium.

Ia kine ki ar kol ka Mukhla Raij la thep da u Gabriel Lakashiang (40) bad Ngahi Suna (82).

Da kane ka namjop ka Mukhla Raij kan iakhun pyrshah iaka Lutituber Ialong haka 30 tarik une u bnai. Ka 7 Wasa kan aireng pyrshah iaka Caroline haka 29 tarik une u bnai.