Rung semifinal ka Nangbah Dukhu bad ka Lion haka 2nd Div ka WJDSA

Syllad | The Rising MeghalayaOctober 1, 2024

Ka Nangbah Dukhu bad ka Lion Sports & Youth Affairs kila rung sha ka kyrdan jong ka semifinal haka 2nd Division Football Tournament-7th Debo Shullai Memorial Trophy kaba pynaidi da ka West Jaintia District Sports Association (WJDSA).

Kane ka la wan hadien ba Nangbah Dukhu kala jop da 3-1 iaka Mukhla Umlangshor bad ka Lion Sports Youth Affair kala pynliem da 3-1 iaka Chilliangraij haka jingialehkai quarter final kaba long haka 1 tarik Risaw ha madan Kiang Nangbah Stadium, Jowai haka 1 tarik Risaw.

Haba phai sha ka jingialehkai, ka Nangbah Dukhu kala tam shakhmat da 3 kol lyngba ki kol kiba la thep mar shi kol da u Shanlang Thubru (6), Rimi oo Susngi (65) bad Nathan Biate (67). Ka Mukhla Umlangshor haka jingpyrshang kaba bun bun sien kala ioh shikol lyngba u Request Shylla (74).

Haka jingialehkai kaba bud, ia ki lai kol ka Lion Sports & Youth Affairs la thep da u Poibiang Pohshna (11), Prosprwell Dhar (47) bad Clinton Suchiang (67). Shi kol na kaliang ka Chilliangraij la thep da u Dathrang Iakai (79).

Ka jingiakhun Quarter final haka 3 tarik Risaw kan long hadpeng ka Panaliar pyrshah iaka Rising Sun Mukhla haka por 12.00 baje mynsngi. Ka Lumbhahdakha Wahiajer pyrshah iaka Madankynsaw Mookyndeng haka por 2.30 baje nohphai sngi.