Rung semifinal ka Pohplet FC haka football ha Pdengshakap

Syllad | The Rising MeghalayaMarch 9, 2025

Ka Pohplet FC kala rung shaka semifinal jong ka lympung ialehkai “1th Secondary School Football Knock-out Tournament 2024-25” kaba pyniaid da ka Dorbar shnong Pdengshakap.

Kane kala hadien ba ka Pohplet FC kala pynliem iaka Azad A FC 2 haka quarter final kaba la long haka sngi Saitjain ha madan Pdengshakap.

Haka jingialehkai ka Pohplet FC kala jop da 6-5 lyngba ka jingiashut Tie-breaker hadien ba ka jingialehkai haka por ba la kut kala kut khlem don mano mano ba lah ban thep kol.

Ki Team kiba la rung sha ka Semifinal ki long ka Nangbah Mulang SC, KSF FC bad Pohplet FC.

Ka jingialehkai quarter final kaba khatduh kan long haka 15 tarik Lber hapdeng ka Namrhenlang-i FC pyrshah iaka YC Pdengkarong haka por 2.00 baje nohphai sngi.