Rung semifinal ka Police XI haka inter office football ka MSGEF

Syllad | The Rising MeghalayaDecember 3, 2021

Ka kynhun ialehkai jong ka Police XI (WJHDEF) kala rung sa ka semifinal hadien ba kala pynliem da 6-1 kol iaka Veterinary XI haka football inter office kaba pyniaid da ka Meghalaya State Government Employees’ Federation (MSGEF) kaba long ha Kiang Nangbah Stadium haka sngi Thohdieng.

Ha kane ka jingiakhun u Bisharlang Kharumnuid ula lam lynti iaka Police XI ban khur iaka namjop ba bun kol hadien ba ula ioh khyrwit hattrick lyngba ki kol kiba ula thep 22, 51 bad 72 minit. U Everest Rynjah ula thep ar kol haka 30 bad 69 minit bad shikol kala mih paw da ka own goal kaba la thep bakla da u Jefrey Darnei haka minit kaba 36.

Ka Veterinary kala ioh ban thep shikol haka minit kaba 80+2 lyngba u Riewwympher Syngkon.

Ka quarterfinal ba lai kanlong hadpeng ka Soil pyrshah iaka 3rd MLP Battalion bad kaba saw kan long hadpeng ka PHE pyrshah iaka Water Resources haka 6 bad 7 tarik une u bnai.