Rung semifinal ka Rising Star bad ka Umchangiar haka T20 Cricket ka AJCA

Syllad | The Rising MeghalayaMarch 26, 2021

Ka Umchangiar bad ka Rising Star kila buh jaka ialade haka kyrdan jong ka semifinal haka Open To All T20 Cricket Tournament kaba pyniaid da ka All Jaintia Cricket Association (AJCA)

Haka jingiakhun nkine ki ar kynhun kiba naka Pool-B ha madan Jrisalein, Chutwakhu, Jowai haka sngi Thohdieng, ka Umchangiar  kala lah ban pynliem iaka Rising Star da  3 runs.

Ka Umchangiar kaba la jop iaka toss kala tied nyngkong ka la lah ban tied 124  ron na ki 20 overs bad ka la duh noh 9 wickets. U Lakhon Bareh u la kamai  34 ron (1×4 bad 2×6), u Heipormi Laloo pat u la kamai 25 ron (1×4 wa 1×6), U Firstborn Dkhar bad u Kyrmen Suchiang  jong ka Rising Star ki  la ioh khur 3 wickets marwei na ki 4 Overs.

Ka Rising Star haba beh iaka thong ka la lah ban kamai 121 ron na ki 20 overs bad ka la duh noh  9 wickets. U  Sani Nongtdu u la kamai u 48 ron (6×4 wa 3×6), u Dayman Shullai pat u la kamai 37 ron (3×4 bad 3×6), U U Heipormi Laloo, u Teilang War, u Heisar Bareh wa u Kune Lato  jong ka Umchangiar   ki la ioh khur mar 2 wickets marwei na ki 4 Overs.

Da kane ka namjop ka Umshangiar kala wan haka kyrdan nyngkong naka Pool B haka miej iakhein poiñ bad ka Umshangiar kala wan ba ar.

Ha kawei pat ka jingiakhun ka Khliehtyrshi Sports Club kala jop iaka Moodymmai da 121 runs.

Ka Khliehtyrshi Sports Club kaba jop iaka toss kala tied nyngkong ka la lah ban tied 225  ron na ki 20 overs bad ka la duh noh3 wickets. U Daurupaia Bang  u la kamai  135  (6×4 bad 16×6), u Success Rymbai pat u la kamai 27 ron (3×4 bad 1×6), U Aries Pyrtuh, u Daowan Passah wa u Richel Passah  jong ka Moodymmai ki  la ioh khur mar 1  wickets marwei na ki 4 Overs.

Ka Moodymmai haba beh iaka thong ka la lah ban kamai 104 ron na ki 15.1 overs bad ka la duh noh  baroh ki wickets.U  Levastar Phawa u la kamai 21  ron (2×4 bad 2×6), u Daowan Passah pat u la kamai 20 ron (3×4 bad 1×6), U Timi Ryngkhlem jong ka Khliehtyrshi Sports Club  u la ioh khur 4 wickets na ki 4 Overs, katba u Rainbow Phawa pat u la khur  3 wickets na ki 3 overs.

Ka jingialehkai ha ka sngi Monday (29-03-2021) kan long hapdeng ka Khimusniang  bad ka Moodymmai haka por 9:00 mynstep.