Rung semifinal sa ka Lutituber Ialong haka 18 Above football ka WJDSA

Syllad | The Rising MeghalayaNovember 24, 2021

Ka Lutituber Ialong kala rung sha ka kyrdan jong ka semifinal hadien ba kala lah ban pynliem da ka tie breaker da 4-3 iaka Kseh Sylle Ialong haka jingiakhun quarter final 18 Above football League Knockout Tournament kaba pyniaid ka West Jaintia District Sports Association (WJDSA) kaba long ha Kiang Nangbah Stadium haka sngi Balang.

Haka jingiakhun katkum ka por kaba la buh ka jingiakhun kala wai da 2-2 kol. Hadien la rah iaka jingiakhun sha ka extra time ruh ym shym la lah ban rai iaka jingjop bad dei hadien bala poi sha ka jingiashut penalty ka Lutituber Ialong kala jop da 4-3.

Nakaliang ka Lutituber la thep kol da u Ribait Lhuid (11), Nidaia Dhar (48) bad u Baiahluti Dhar (92). Katba na ka Kseh Sylle Ialong la thep da u Nangtei Mulieh (31, 65) bad u Rima Lyngdoh (98).

Ka jingiakhun lashai ka sngi 25 tarik kan long hadpeng ka Pasyih Cultural pyrshah iaka Caroline Colony. Ka jingiakhun kaba khatduh kanlong hadpeng ka Mukhla Raij SC pyrshah iaka Newhill SC haka 27 tarik une u bnai.