Sa 227 tylli ki longïing ïarap pynioh marbam ka JHDS ha West Jaiñtia

Syllad | The Rising MeghalayaApril 13, 2020

Haba bteng ha ki kam leh isynei, ka Jaintia Hills Development Society kaba dei ka Social Wing jong ka Jyllaniam Jowai sa shisien pat kala kner ia ka kti jingiarap jong da u Khaw bad u Dai sha ki 227 tylli ki longïing baduk jong ki 12 tylli ki Shnong kiba hap hapoh u pud u sam jong ka West Jaintia Hills District mynta ka sngi Nyngkong.

Ka JHDS kala sdang ia kane ka kam leh isynei naduh 10 tarik une u bnai bad la pyndep noh mynta ka sngi.

La ialam ïa kane ka ka jingleit ai jingiarap sha u paidbah da u Director ka Jaintia Hills Development Society (JHDS) u Fr. Manbha Pakem ha ryngkat ka Jingiadonlang u President ka Catholic Association u Ma Gilbert Sten, U Vice President ka Synjuk Ki Seng Rangbah bad u Coordinator ka JHDS u Ma Denis Kurkalang.

Kine ki 12 tylli ki Shnong kiba ka Seng ka la ai jingiarap ki long ka Shnong Khliehriat Nongjngi, Umsalang, Lummuriap, Thadialong, Bhaiñ, Thadsning, Khliehsniriang, Thangraiñ, Sohmynting, Pynthorlangteiñ, Mustem, Madantyrpait, bad ka Samanong.

Haba ai jingkren ha baroh kine ka 12 tylli ki Shnong, u Fr. Manbha Pakem u la u la kyntu ia ki paidbah ba ki dei ia kyrshan lem markylliang khamtam ia ki duk ki rangli bad ban da bud ryntih ia ki jingbthah ka Sorkar khnang ban iada na ka jing saphriang une u khñiang jingpang.

Ha shwa ban sdang sam ia kine ki marbam ha baroh kine ki 12 tylli ki Shnong, Ka JHDS Team ka la pynsngew ruh sha ki paidbah katto katne ki jinghikai halor ki lad jingiada ban lait na ka jingsaphriang jong u ne u Khniang jingpang.