Sa 3 ngut ïoh kem nong Nigeria na East Jaiñtia Hills

Syllad | The Rising MeghalayaSeptember 18, 2019

KHLIEHRIAT: Ki Pulit jong ka East Jaiñtia Hills District kila ïoh kem biang sa lai ngut ki nong Nigeria na ka shnong Ratacherra haka sngi Balang.

Ïa kine ki nong Nigeria la ïoh kem na ka bos Night Super kaba wan na Agartala bad kaba thmu ban leit sha Guwahati. La ïathuh ba kine ki nong Nigeria kim lah satia ban pyni ïaki kot ki sla ba biang ba ki wan rung sha kane ka Ri bad ki Pulit kila kem noh ïaki.

Kine ki lai nong Nigeria la tip kum u Daniel Ikenna Agbasi (24), Mathew Ifeanyichukwu Nwoye (25) bad u Victor Ekwebili (20). Kane ka jingiohkem ïa kine ki bar ri na East Jaintia Hills kala kiew sha ka 17 ngut haduh mynta. Halor kane ka jingiohkem ïa kine ki lai ngut ka jingtohkit ki Pulit kala ïaid shakhmat.