Sa Du I Wa Eh

Soolangki LalooJune 30, 2020

Sadu iwa eh, wa eh
Kyntien ki waheh
Kai din chei kop wym kop
Chei pleh wympleh.

Juk Yi Kam Kani Ma-ai?
Chilem u peit ioo Kam wa datam u Bru iow Blai.
Waroh Kat I wamut wamang
Wym ioh de Kam wathrang.

Ain Bru nangmih ki sngi nangku
Ain Blai, ioo Kam wow jem rngu.
Kat Cha wa pait sadu I pakhlat beit
Dukha Iamrem I sniaw wow peit.

Tynjooh hi ma-ai, ini wa e u Blai?
Iow tip u sniawthuh u Bru pyrthai.
Yei khia I Chon iow tip u thij u pyrkhat
Hei longbru manbru dei wa syndong, antad.

A! Lada toh sakhiat I mon I khe u Blai
Yein I ngooh I Dem dei Kyrpad wyrai.
Duhai kynrad, i eh I khor kamni
Iamrem u Bru pyrthai hei tynjooh Wei wiarnar wiarluti.