Sa kawei ka metiap tam ki nongshong shnong ka Ratacherra

Syllad | The Rising MeghalayaFebruary 24, 2020

Ki paidbah nongshong shnong jong ka Shnong Ratacherra kila ïoh tam ar tylli ki metiap ha ka juh ka sngi haka sngi Nyngkong. Kawei kadei ka metiap jong ka kynthei bad ka kawei pat ka metiap jong u rangbah kaba ym lah ban ithuh dur khmat na surok bah Jowai Badarpur Silchar.

Ki nongshong shnong ki suba ba katei ka met iap ka lah ban dei jong u bar jylla. Katkum ki dak ki shin une u briew ula shah pyniap bad don bad u tyllai na ryndang jong u.

Ki nongshong shnong kila pyntip mar mar sha ki pulit ka Umkiang kiba la wan shimti ïa kane ka metiap.

Ka Dorbar Shnong Ratacherra lyngba u Secretary u Bujli Sumer kala kyntu iaki bor pulit ban khynra naphang ïaki kali kiba wan ba iaid na katei ka surok namar ba bunsien tang ki kali heh kiba shah khynra, katba ki kali rit kiba iaid ba ieng na katei ka surok ki iaid suk, kaba ka kam sniew ka lah ban jia ha kine ki kali rit.

Kane ka jingbret metiap ha Ratacherra kam dei ka sien kaba nyngkong, bad la suba ki runar hadien ba kila dep leh iaki kam sinew na kiwei ki jaka, ki bret pat ha katei ka shnong.