Sa lai tylli ki Notification dawa pyndam naka Sorkar Pdeng; pdiang burom ka KSU ïa u Chairman ka NESO

Syllad | The Rising MeghalayaFebruary 14, 2019

SHILLONG: Ki dkhot ka Khasi Students Union (KSU) ha ryngkat ki sharak dongmusa bad ka jingpynbthei ïa ki bom pataka, kila pdiang burom ïa ki nongialam ka KSU bad ia u Chairman ka North East Students’ Organization (NESO) u Bah Samuel Jyrwa haka miet sngi Palei ha Jaiaw, Madan Weiking, Shillong halor ka jingjop ban pynpulom ïaka jingthmu wanrah ïaka CAB ha Rajya Sabha.

Une nongialam ka NESO bad kiwei kiwei kila her sha nongbah Delhi haka taiew bala dep ban kyrpad ïaki nongïalam ki seng saiñ hima bapher ban pyrshah ïaka CAB ha Rajya Sabha, kaba la pynpulom noh ka jingthmu wanrah ïaka CAB haka Rajya Sabha bad kala iap artad.

Ha kane jingpdiang burom la ïadonlang ki sengbhalang ba kynthup ia ka SSSS, FKJGP, TULBA, Shillong Assamese Social Cultural Student Association (SASCSA) bad kiwei kiwei.

Shuwa kane la pdiang burom ruh ïa u Bah Samuel Jyrwa Chairman ka NESO bad ki dkhot sengbhalang ha Guwahati airport da ki nongialam ka NESO.

U Bah Samuel Jyrwa ula ong ba “ka sorkar India ka thmu ban thombor ïa ngi la 50-60 snem mynshuwa bad mynta ka jingthmu ka long ban thombor sa da ki paidbah na Bangladesh ban pynkylla madan lut ia ka ri ka jong ngi bad ia ka thain Shatei Lammihngi hi baroh kawei.”

U la khublei ruh ba da ka jingtrei shitom bad ka jingïatylli jong ki sengbhalang ha ka thain Shatei Lammihngi kaba la lah pynpulom iaka jingthmu pynlong aiñ ka CAB.

Naduh 2016, ka NESO kala ieng pyrshah iaka CAB, hyrnei ka sorkar India kam patiaw bad ha kane ka kynti da ka jingmih u paidbah bad ki sengbhalang bapher naduh Khasi Students’ Union (KSU), ka All Assam Students’ Union (AASU), ka Naga Students Federation (NSF), ka Mizo Zirlai Pawl (MZP), ka Twipra Students’ Federation (TSF), ka All Manipur Students’ Union (AMSU), ka Garo Students’ Union (GSU) bad ka All Arunachal Pradesh Students’ Union (AAPSU) kala pynurlong ïaka jingdawa.

Ka NESO ka ai khublei iaka Sorkar Meghalaya ha ka jingialam u Conrad K Sangma bad ka Sorkar Mizoram ha ka jingialam jong u Zoramthanga bad ki sengbhalang bapher bapher, ki seng longkmie bad kiwei kiwei de kiba la ieng shlur ban pyrshah ia ka sorkar kmie.

Ka NESO ka ai khublei ia u Nitish Kumar Myntri Rangbah jong ka Bihar bad ia ka party jong u ka JDU kiba la rai ban pyrshah ia ka CAB ha ka National Executive Council bad ka Seng ka ai khublei ruh ia ki seng sain hima sima bapher bapher kum Shiv Sena, Congress (I), SP, BJD, TMC, DMK, SAD, NPP, AGP, TDP, BPF bad kiwei de kiba la pyrshah ia ka CAB.

“Wat la ka CAB kala iap, hynrei ki dang don sa lai tylli ki “Notification bad Order”, kata ka dei; ka Foreigners Act 1946 ban ailad iaki nong Bangladesh ban wan sha kane ka ri, Long-term Visa ban sah bun bun bnai bad ka Passport Entry ban ailad ban rung sha kane ka ri bad ia kine ki Notification ruh hap ban pyndam syndon bad iada ïaka ri bad jaidbynriew”., la ong u Chairman ka NESO.