Sa T.15 Lakh synñiang u Madonbai Rymbai ban shna ïaka ïing skul ha Sohmynting

Syllad | The Rising MeghalayaJanuary 22, 2019

Jowai: U Madonbai Rymbai Chief Executive Member (CEM), Jaiñtia Hills Autonomous District Council (JHADC), ula ai ïaka work order T.15 lak sha ka school managing committee jong ka Sohmynting Dongneiñ LP Skul, West Jaiñtia Hills District ban tei ïaka ïingskul thymmai haka 22 tarik u K’lyngkot 2019.

Kane ka work order bala aiti u CEM JHADC kadei T.5 lak ka dei na ka MDC skim jong u bad T.10 lak na ka pla jong ka konsil. Ula plie ruh ïa u manongrim ban sdang ka tei iaka skul.

Kane ka skul la pynïaid da ka shnong bad la pynlong klas mynta haka ïing tnum bad naka por sha ka por ka bor pynïaid skul ka pynlong da ki fete ban pynmih pisa ban siew tulop nonghikai. Hynrei da ka jingaiti u ma Madonbai Rymbai ïaka Work Order ka jingangud kaba la khamslem ki paid nongshong shnong ban ioh ka iing skul kaba paka bad ban pynbha ïaka kam jingtei katei ka skul kala urlong la ong u Ma Monjur Lyngdoh Pyrtuh.

U Ma MB Rymbai, CEM, JHADC ula ong ba bun ki paidbah kila kynthoh ïa u ba um lah ban wanrah jingmyntoi ne skim ïaki shnong hapoh ka Constituency jong u, hynrei ula pyni da ka kam bad pyndep hok ïaki juban lak kaba u khlei tang hapoh 10 bnai ba ula bat ïaka shuki CEM hakhmat u paidbah ka shnong Sohmynting.

Mynta ka Sohmynting ka dei ka shnong kaba ar ban ïoh kam bun ka skhim na ka shnong jong u ka Khliehtyshi kiba hap hapoh ka 4 Sohmynting Khliehtyrshi MDC Constituency bad ka jingtei tang n aka bynta ki skul kala kot T.30 lak.

“Kane ka shlem ka dei ka wait ba ki khun ki kti jong phi kin ïoh pyndonkam bad kin lah ban shut pynep ïaka jabieng bad ban ïeng hala ki jong ki kjat”, ong u Ma Madon haba kren hakhmat u paidbah uba la kot palat 300 tam. Ula kyntu ruh ïaki nongshong shnong ban pynrung skul ïaki khun ki kti jong namar ka jingstad ka dei ka waitlam kaba lah ban kieng haba donkam.

“..phi la ïohi ïaka nuksa jong ki nongmihkhmat kiba bym nang thoh nang tar bad ki hap ban iehnoh ïaka saiñ hima sima namar ka jingduna haka pule ka puthi, kumta phi ki kmie ki kpa shim ka jingkitkhlieh ban phah skul ïaki khun ki kti jong phi ba kin long ki myntoi ka imlang ka sahlang”.

Ula pynkynmaw ruh ba ka samoi ia jied MDC kala jan bad kynmaw ïaka shap jong u ka dei ka; ka Kot bad ïathuh ba u rung sha ka NPP National People’s Party  ka dei namar ba u la ïohi ïaki dak ki shin ba kan poi sha ka thong haka MLA bad ka don ruh ki nongialam kiba tbit.

“Nga kum u briew uba kwah ban shakri khambha ïaka thaiñ bad ka konsil,  nga la rung sha ka NPP ban ïoh trei bad ban wanrah kam pynroi bad kyrpad ïa ki paidbah ban bishar bin bin ïaki kam jong u hashuwa ban jied ïa u MDC”, la ong u CEM bad ong ruh “Jied ïaki nongmihkhmat kiba lah ban trei bad wanrah ki kam pynroi”.