Saam ka Kur Passah ya ki prize cha kiwa pam ya ka khle nasib

Syllad | The Rising MeghalayaJanuary 26, 2024

Ka Kur Passah, Jowai ynne ka sngi da saam ko ya ki Prize cha kiwa jop ya ka khle nasib kawa da pynkhle ha ka Fete yong ka Kur ha ka 13 tarik uni u bnai.

Kiwa pam ya ki Prize kynthup ki ya ka Finland Passah na Tpeppale, Jowai wa da yoh ya ka First Prize, ka Wansalan Passah na Mawprem, Shillong wa da yoh ya ka Second Prize wa u Heinimiki Dkhar na Wapung Skur, East Jaiñtia Hills wa da yoh ya ka Third Prize.

Neiliang ka Kur ekhublei ko khamtam ya ki kurim ki watang, ki khon ki kti, ki khon ka kur waroh wa ki lok ki jor kiwa da pynman ya ka Fete kawa jop.