Sah nam iaki riewkhraw ka jaidbynriew ha NEHU ong ka KSU

Syllad | The Rising MeghalayaMarch 20, 2020

Ka Khasi Students Union (KSU) NEHU Unit haka 19 tarik u Lber 2020 hapoh ka jingialam u Pynshai Kupar Dkhar, president ha ryngkat ka jingdonlang u Richest Malngiang, general secretary bad u education secretary u Brandon Shangpliang ka lah leit ai dorkhat hakhmat u Professor S.K Srivastava Vice Chancellor ka Skul Bah NEHU.

Ka KSU katkum ka dorkhat kaba kala aiti ha u Vice Chancellor kala dawa ban pynkylla kyrteng iaki hall kiba don ha katei ka skul ban pynsah nam ïaki riew khraw ka jaidbynriew.

Kine ki hall kiba dawa ai kyrteng ki dei:

Ka Multi Use Convention Hall la dawa ai kyrteng ha u (L) Dr. Barrister Pakem Convention Hall, uba long u Vice chancellor ba nyngkong napdeng ki Khasi bad kumjuh u Vice Chancellor ba rim ka ka skul bah NEHU.

Ka Convocation Hall sha U Soso Tham Convocation Hall.

Ka Science Seminar Hall Sha u Wickliffe Syiem Hall lane sha U Captian Keishing Clifford Nongrum Hall.

Community Hall sha ka Phan Nonglait Hall.