Sah sa ka signboard IGNOU Study Centre ha Sohkha
Ka Federation of Khasi Jaintia and Garo People (FKJGP) War Jaintia Circle kala lap ba ka IGNOU Centre kaba don ha Sohkha Mission kala sah satang ka signboard khlem da lah pat ban ai ka jingshakri iaki samla kiba kwah ban bteng iaka jingpule ha ki kyrdan bapher bapher.
Ka FKJGP haka jingialam u Shlur Mukhim president bad u assistant secretary u KM Khonglah hadien ba ki la ioh ia ka jingud jingnam na ki paidbah ka thaiñ War Jaintia kila leit jurip ia kane ka centre bad kila lap ba kane ka centre ka sah satang ka signboard bad ka khlem ai jingshakri shuh.
La iathuh ba kane ka centre kala sangeh treikam naduh u snem 2019 bad kane kala pynduh mynsiem ia kiba bun ki samla kiba kwah ban bteng iaki jingpule haki kyrdan bapher bapher.
Ki nongialam ka FKJGP kila iakren bad ki katto katne ki nongialam shnong bad ki angnud ba kane ka centre dei ban pynneh ha kane ka shnong. Ka FKJGP kala rai ban buddien ba iakynduh iaki bor pyniaid ka IGNOU ha Shillong ban plie biang ia kane ka centre.
Kane ka centre kala sdang naduh u snem 2002 da ka jingshimkia ka All Sohkha Development Committee ban dawa buh ia kane ka centre ha Sohkha Mission.
Facebook
Instagram
Youtube
Twitter
Leave a Reply