Sahkut kali ba tap ka umsaw ïaka surok bah NH6

Syllad | The Rising MeghalayaMay 1, 2019

JOWAI: Ka jingther u lapbah ba jur kala wanrah ka jingshlei um bad kala wanrah Ruh ïa ka jingsahkut kali naduh 6 baje mynstep ha surok bah NH-6 ha East Jaiñtia Hills District haka sngi Balang.

Kane ka jingshlei um ka jia haka shnong Mynkre ha kaba ka umsaw kala tap ïaka surok bad kala wanrah ka jingsahkut kali ha baroh arliang ka surok.

Bun ngut ki khynnah skul kila hap ban pep skul bad ka leit ka wan u paidbah ruh kala shah ktah. Tad haduh 10 baje mynstep ka jingwan ka umsaw ka nangjur bad tap ïaka surok.

Kane ka jingjia shlei ha katei ka jaka ka jia man ka aiom slap bad kam don kano kano ka jingthmu ban wad ki lad ki lynti ban shna ïaki nur bah ban iaid ka um da ki bor ba dei peit.