Sahkut kali ha ka surok bah NH 6 palat 24 kynta

Syllad | The Rising MeghalayaOctober 7, 2023

Ka jingsniew tasam ka surok bah NH 6 kala wanrah iaka jingsahkut kali kaba shyrkhei kaba la neh palat 24 kynta.

Kane ka jingsahkut block kala sdang naduh ka miet sngi Thohdieng bad kala bteng haduh ka sngi Saitjain ha Lakhisara, Assam.

Ka daw ka jingsahkut block ka long ba ka jingwan ther jur u slap kaba pynlong iaka surok NH 6 ban dap da ka um ha ki jaka ba long thliew bad ki kali kim nud iaid pynban saka akisident kali hajan ka shnong Ratacherra, East Jaintia Hills District.

Kane ka jingsahkut kali kala pynthud iaka iaid ka ieng ki kali, Assam, Mizoram, Tripura bad ki bynta ka Manipur kumjuh ka Meghalaya.