Sahkut lut ki kali namar ka jingtwa khyndew ha shilynter ka surok Khatarshnong, julor ki iing ki sem na ka ‘eriong
Ka jingther jong u ‘lapbah bad ka jingsyllad jong ka ‘eriong ‘erngit la wanrah ka jingtwa khyndew kaba jur ha baroh shilynter jong ka surok bad pynjulor ruh ia kiba bun bah ki iing ki sem hapoh ka thain Khatarshnong, Sohra Civil Sub Division East Khasi Hills naduh ka miet sngi Nyngkong ba la lah,
Halor kane ka jingjia uwei na ki nongshnong shnong ula iathuh ba kane ka jingtwa khyndew ka la wanrah ka jingsahkut kali kaba jur kaba la neh lai sngi mynta. Nalor kata u la ong ruh ba ka ‘eriong kaba jur ka la jynrat ruh ia kiba bun tylli ki iing ki sem hapoh ka shnong Kongthong, Warwar bad bun kiwei pat ki shnong nalor ka jingkhyllem noh jong ki nar post ilektrik ha jan man la ki shnong jong ka thain.
![](https://www.syllad.com/wp-content/uploads/2024/09/JIT-Vacancy-823x1024.avif)
Lah ban kdew ba ka Jylla Meghalaya ka dei kawei napdeng ki jylla kaba la shah ktah jur na ka jingwan syllad jong u cyclone Remal ha kaba ka la don ruh ka jingduh noh ia ki mynsiem briew bad kiba bun bah ki jingshah pynjulor.
Na ka liang jong u Bah Stogent Lynrah u la iathuh ba kane ka jingtwa khyndew ka la sdang naduh ka miet sngi Nyngkong ter ter.
“Naduh ka step sngi ba Ar haduh mynta ym pat lait surok. Haduh mynta ruh u slap um pat sangeh bad ka jingpyntrei ruh ka dang shu sdang mynta malu mala tangba imat kan dang shim por ban lait kali bad ban ioh bording,” u la bynrap.
![](https://www.syllad.com/wp-content/uploads/2024/05/Khatarshnong-Road.jpg)
![](https://www.syllad.com/wp-content/uploads/2024/05/Khatarshnong-1.jpg)
Leave a Reply