Sam ka Loomiongkjam da u khaw sha ki nongshong shnong

Syllad | The Rising MeghalayaMay 8, 2020

Ka dorbar shnong Loomiongkjam, Jowai hynne ka sngi kala sam da u khaw sha baroh ki nongshong shnong jong ka shnong.

Ka Loomiongkjam hapoh ka jingialam u Waheh Shnong Mehiwan Challam kum shibynta ban kyrshan ia ki para nongshong shnong kala sam da u khaw sha baroh ki longïing salonsar da u khaw uba la kot haduh 4000 kilo. Ia une u khaw la thied da ka pisa shnong.

Hashuwa ban sam ia une u khaw la don ka jingai nguh Blei kaba la pyndep da u kñi ka Shnong ma Kyrchan Synnah ban kyrpad ia u nongbuh u nongthaw ban da ban ker sumar ïa ka ri ka muluk bad ban pyllait na ka sniew ka smeh.

U General Secretary ka shnong Loomiongkjam u ma Heihadong Challam ula ai khublei ia baroh ki khun samla kynthei bad shynrang bad ki seng longkmie kila iatreilang bad ka sorkar ha kane ka lockdown.

Ka shnong ka ai khublei ruh ia ka Contact Tracing Team Volunteers cum Covid-19 Management Committee kiba la trei borbah ban iakhun iaka khlam COVID-19.

U Waheh Shnong Ma Mehiwan Challam ula iathuh ba ha u bnai Iaiong kila ioh jingiarap na u MLA ka Jowai, ma Wailadmiki Shylla, U MDC ka Jowai Central ma Awhai Andrew Shullai, Tei Hinge bad ka RSS, Jaintia Hills District.