Sam khaw ka KSU ha Ladrymbai

Syllad | The Rising MeghalayaJune 13, 2021

Ka Khasi Students’ Union (KSU), Ladrymbai Unit kala sam da u khaw sha ki spah tylli ki longïing haka shnnong Ladrymbai.

Ia une u khaw la sam haka sngi Saitjain haka jingialam jong u Donbok Mukhim president KSU Ladrymbai Unit, Chanky Shylla general secretary KSU Ladrymbai. Ha kane ka jingsam khaw la iadonlang u ma Jesper Bareh waheh shnong jong ka shnong Ladrymbai-B, Cherity Suja general secretary KSU Khliehriat Circle bad kiwei kiwei.

Ka KSU kala ong ba kala sam ia une u khaw kum shibynta ban kyrshan ia u paidbah nongshong shnong ka Ladrymbai kiba la hap ban shongkset na ka jingkhang dam ban iakhun pyrshah iaka jingpang khlam COVID-19.