Sam khaw ka KSU haki lai tylli ki shnong ha East Jaintia Hills

Syllad | The Rising MeghalayaMay 10, 2020

Ka Khasi Student Union (KSU) Khliehriat Circle da ka jingiatreilang bad ka ki tnad treikam jong k aba kynthup iaka KSU Larket Unit, Shnongrim Unit bad Lakadong Unit kila synniang da u khaw shaki Lai tylli ki shnong ha East Jaintia Hills District ba kynthup iaka Shnong Larket, Shnongrim bad Lakadong.

Haka shnong Larket ka la sam khaw sha ki 20 tylli ki longing, ha Shnongrim 20 bad ha Lakadong la sam sha ki 25 tylli ki longiing.

Ia kane ka KSU ka jingsam marbam ka KSU kala pynlong kum shi bynta ban kyrshan bad iarap iaki nongshong shnong khamtam kito kiba juh im da kaba bylla sngi ban pyndap iaka ïing ka sem bad na kadaw ka jingkhangkhyrdep ka sorkar iaki shnong ki thaw ban iakhun pyrshah iaka jingpang COVID-19 kim ioh lad ban leit trei leit ktah, kaba la ktah iaka jingiohkamai jong ki ban pyndap iaka jingdonkam ha ki iing ki sem jong ki.

Ha katei jingsam khaw la iadonlang ki Waheh shnong bad ki Secretary Shnong ba kynthup ia u Waheh Shnong ka Larket u Ma Mest Pakem, u Secretary Shnong u Ma Damon Salahe, u Waheh shnong ka Shnongrim u Ma Mulda Rupon, u Secretary Shnong, u Waheh Shnong Lakadong u Ma Kynmo Patwat, u Secretary Shnong u Ma Edwin Shilliangam kumjuh ki dkhot nongkitkam ka KSU.

Na ka KSU Central Executive Council (CEC) la iadonlang u SS. Niangti, u President ka KSU Larket Unit u E. Chyrmang, u President ka KSU Shnongrim Unit u Iengskhem Pyrngap, u President KSU Lakadong Unit u Andrea’s Lyngdoh, u General Secretary Samla Wanbait Suchen nalor kiwei kiwei.

Ki Waheh Shnong haka jingkren kila pynpaw ka jingsngewnguh bad iaroh iaka KSU kaba la iarap khaw iaki nongshong shnong ha kajuh ka por kila kitbok kitrwiang ba kan nanglah ban bteng iaka jingiarap khamtam sha ki longiing baduk bakyrduh.