Sam khaw ka MPUF ha Mookhep, kyntu ruh ban plie iew baroh shitaiew

Syllad | The Rising MeghalayaJuly 20, 2021

Ka Meghalaya People United Front (MPUF) East Jaintia Hills District haka 20 tarik une u bnai ka la synñiang jingïarap mar shi byrni u khaw sha ki 15 tylli ki longïing jong ka shnong Mookhep, East Jaintia Hills District.

U President ka MPUF East Jaintia u Kyrshan Blah ula ong, kane ka jingiarap jong ka MPUF ka long shi bynta ban tynrong ïaka jingeh jong kitei ki longïing kiba im lyngba ka kam bylla sngi bad kum kane ka jingïarap yn ïai bteng sha kiwei de ki longïing kiba duk.

U Phrancis Dkhar Secretary Shnong Mookhep ula pynpaw ka jingsngew nguh iaka jingkylluid mynsiem jong ka MPUF naka bynta ban ïarap sha ki nongshong shnong. Ula kitbok kitrwiang ïaki nongïalam bad dkhot jong ka MPUF ba kin nanglah ban shakri khambha shuh shuh ïaka imlang sahlang.

Shuh shuh ka MPUF kala kyntu ia u Deputy Commissioner, East Jaintia Hills District ban plie iew noh san sngi shitaiew khnang ba ki paidbah kiba im ja da kaba shongdie jingdie kin ioh biang iaka kamai ka kajih kaba biang.